ورشة الأمهات الصغار

في كثير بنات كبِروا قبل أوانهم… صاروا "الأم الصغيرة" اللي بتتحمل المسؤولية من عمر مبكّر، وبتلعب دور المنقذة والسند، في بنات حملو ثقل مشاكل وازمات عائلاتهم من وهم أطفال ( وكبروا ع شعور انتِ أكبر من عُمرك ) ، هاي التجربة بتترك آثار عميقة على شخصيتة المرأة وحياتها

الاستقبال: بتلاقي صعوبة تتقبل الحب أو الرعاية، لأنها متعودة تكون هي المعطي مش المتلقي

الشقاء والتعب: بتحس إنها دايمًا "لازم تعمل" وما بتسمح لنفسها ترتاح، وهذا بيخلّي حياتها مليانة إرهاق جسدي ونفسي

رفض المساعدة: فكرة طلب الدعم أو قبوله ممكن تعتبرها ضعف أو تقصير، فبتدفع حالها تتحمل أكتر من طاقتها

ولما تيجي لعلاقتها مع شريكها… هون بيظهر الأثر الأوضح

صعوبة تفويض المهام أو ترك المساحة للشريك ليتحمّل جزء من المسؤولية

بتتعامل مع العلاقة وكأنها مسؤولة عن إنجاحها لحالها

أحيانًا بتتوقع من الشريك دور "المحتاج" مش "السند"، لأنها متعودة تكون الطرف القوي

وبين الشقاء والرفض للاستقبال، ممكن تحس إنها مش قادرة تبني علاقة متوازنة مبنية على المشاركة والاعتماد المتبادل

حتى بتربية أولادها، بترجع هاي التجربة للسطح: يا إمّا تخليهم يكبروا بسرعة مثلها، أو بتبالغ بحمايتهم حتى ما يعيشوا اللي عاشته